Almaty qalalyq balalar aýrýhanasynda órt boldy
ALMATY. Qańtardyń 13-i. QazAqparat / Ádilet Musahaev / - Almaty qalalyq balalar klınıkalyq aýrýhanasynda órt bolýyna baılanysty 26 adam qaýipsiz jerge kóshirildi,
dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.
Órt Bostandyq aýdanyndaǵy Manas kóshesinde ornalasqan №1 qalalyq balalar klınıkalyq aýrýhanasynda túngi saǵat 01:28 shamasynda "Klımıtron" kúıikke qarsy tósektiń janýynan bolǵan. Jan saqtaý bóliminiń 3 sharshy metr aýdanyn órt shalyp, 26 adam qaýipsiz jerge kóshirilgen. Jaraqat alǵandar men qurban bolǵandar joq.
Órt QR TJM jáne Almaty qalasynyń tótenshe jaǵdaılar departamentiniń órt sóndirýshilerimen saǵat 02:11 óshirildi. Oǵan derbes quramnyń 52 adamy jáne 15 tehnıka jumyldyrylǵan.
