Almaty irgesindegi taý bókterlerinde «órt» sóndirildi (FOTO)
ALMATY. QazAqparat- Búgin Almaty irgesindegi Іle Alataýynyń bókterlerinde «Órt-2016» oqý-jattyǵýy ótkizildi. Bul týraly búgin Almaty qalalyq TJD baspasóz qyzmetinen habarlady.
Stsenarıı boıynsha, Іle-Alataý memlekettik ulttyq tabıǵı saıabaǵynda órt oryn aldy. Qazaqstannyń «Ormandardy avıatsııalyq qorǵaý» qyzmeti Almaty bóliminiń baqylaýshy ushqyshy Alma-arasan shatqalynyń batys bókterindegi 30 gektarlyq aýmaqta órt bolyp jatqanyn baıqady. Ol bul jóninde sol arada radıodıspetcherlik qyzmetke habarlaıdy. Al radıodıspetcherlik qyzmet óz kezeginde órt sóndirýshilerdi oqıǵa ornyna baǵyttaıdy.
Ózara is-qımyl jospary boıynsha órt týraly habar «101» jáne «112» bólimderine kelip tústi. Qatty jeldiń saldarynan órt saıabaqtyń kóp jerine jaıylyp ketti. Osylaısha, sol mańaıda dem alyp jatqan týrısterdiń shatyrlaryn órt shalý qaýpi týyndady.
Orman sharýashylyǵynyń ókilderine órt sóndirý bólimsheleri, «Qazavıaqutqarý» AQ eki Ka-32 tikushaǵy jáne «Almaty q. qutqarý qyzmetinen» MI-8 tikushaǵy kómekke jiberildi. Bir tikushaqtan qutqarýshylar túsirildi. Órt oshaǵyna sý shashyldy.
Oqý-jattyǵý barysynda sý búrký qurylǵysy qoldanyldy, sondaı-aq, órt Ka-32 tikushaǵy arqyly vertıkaldy jáne kóldeneń ádispen sóndirildi.
Oqý-jattyǵýǵa Almaty qalasy men oblysynyń TJD órt sóndirýshileri, «Qazavıaqutqarý» AQ, «Almaty q. qutqarý qyzmeti», «Qazavıaormankúzet» RMK, «Medeý» memlekettik ulttyq tabıǵı saıabaǵy, «Apattyq medıtsına ortalyǵy» memlekettik mekemesi, Almaty qalasynyń medıtsınalyq qyzmeti, Almaty qalasynyń ІІD, «Tazalyq» MKK jeke quramy men tehnıkalary, sondaı-aq, «Almaty qalasynyń qutqarý qyzmetiniń» kınologtary jumyldyryldy.
«Іle-Alataý memlekettik Ulttyq tabıǵı saıabaqtaǵy oqý-jattyǵýy órtke qaýipti kóktemgi-jazǵy kezeńdegi atqaratyn jumystarymyzdyń tek bir bóligi ǵana. Bul baǵytta áli iri aýqymdy jumystar atqarylatyn bolady», - dedi óz sózinde Almaty qalalyq TJD bastyǵynyń orynbasary, azamattyq qorǵanys polkovnıgi Erlan Nurpeıisov.
Oqý-jattyǵýǵa barlyǵy jeke quramnan 128 adam, 21 tehnıka jáne eki tikushaq jumyldyryldy. 
