Almaty irgesindegi kópqabatty úıdiń myńǵa jýyq turǵyny sýdyń qymbattyǵyna shaǵymdanýda
Turǵyndar qazir sýyq sýdyń tekshe metrine 118,7 teńge tólep otyr. Quzyrly organdar 2018 jyldan bastap kommýnaldyq tarıfterdi taǵy qymbattatpaq oıda. Sý baǵasy bul turǵyn úıde jylyna eki ret ósedi eken.
Monopolıster sýyq sýdyń tarıfin 2018 jyly - 143,7, 2019 jyly - 152,7, 2020 jyly - 162,2, al, 2021 jyly - 195,2 teńgege kótermekshi. Al, káriz qubyrymen qaldyq sýdy shyǵarýdyń baǵasy da osylaı jyl saıyn eselene beredi.
«Úıdi alǵanymyzǵa eki jarym jyl boldy osy eki jarym jyldyń ishinde aı saıyn tarıf ósedi. Bul endi qalaı? Sol sebepten mine búgin jınalys bolyp jatyr. Qaıtadan tarıf kóteriledi deıdi. Biz qazir osy tek qana tarıfqa jumys isteımiz», - dedi úıdiń turǵyny Alma Kenjebaeva.
Onyń aıtýynsha, sońǵy eki jylda tarıf kólemi birneshe ret kóterilgenimen, qyzmet kórsetý sapasy jaqsarǵan emes.
Jeke kompanııa basshylary qymbatshylyqtyń negizgi sebebin teńge baǵamynyń qubylýymen baılanystyryp otyr.
«Oblystyq mekemeler qarap sol tıisti ınflıatsııa koeffıtsentine ǵana kóbeıetin nárse ǵoı. Mysaly muǵalimderdiń aılyǵyn ósirip jatyr ma, dárigerdiń aılyǵyn neden ósirip jatyr. Sol ınflıatsııaǵa baılanysty ósirilip jatqan jumystar ǵoı. Bizde de sondaı eseptermen jasalyp jatqan jumystar», - dedi «Alataý Komservıs» kompanııasynyń dırektory Ersaıyn Eshekenov.
Monopolııaǵa qarsy kúres basqarmasynyń ókilderi turǵyndardyń shaǵymy boıynsha tekserý jumystaryn endi bastaǵandyǵyn málim etti.
