Almaty Invest Forum aıasynda 2,3 mlrd dollardyń kelisimshartyna qol qoıyldy
Onyń aıtýynsha, forým aıasynda qala damýynyń basym baǵyttary aıqyndaldy.
«Bul bizge halyqaralyq deńgeıge shyǵýǵa múmkindik beredi. ıAǵnı, osy kórsetiletin qyzmetterdi eksportqa shyǵarýǵa bolady. Búgingi jıynnyń nátıjesinde Almatynyń ınvestıtsııalyq áleýeti óte joǵary ekendigin baıqadyq. Forým barysynda bıznes qaýymdastyq pen ákimdik arasynda quny 2,3 mlrd AQSh dollary bolatyn 31 qujatqa qol qoıyldy», - dedi Sparabek Tuıaqbaev.
Osyndaı aýqymdy jobalardyń biri – áýejaıdy qaıta jańǵyrtý bolyp otyr.
«Almaty áýejaıyn qaıta jańǵyrtýǵa álemdegi eń iri 6 kompanııanyń biri qyzyǵýshylyq tanytty. Alǵashqy 2 jylda jańa termınaldy salýǵa - 150 mln eýro, 5 jylda 500 mln eýro ınvestıtsııalanady. Qala bıligi ınvestormen birige otyryp Almatyny týrıstik habqa aınaldyrýdy kózdep otyr. Biz osy jobany uzaq kúttik. Jaqynda 2 jylda qurylys jumystary bastalady», - dedi ol.
Aıta ketý kerek, Almaty Invest Forum 700-ge jýyq iskerlik ókili, 142 sheteldik, 126 halyqaralyq kompanııanyń ókili qatysqan bolatyn.
Forýmnyń basty maqsaty qalanyń ıvnestıtsııalyq tartymdylyǵyn arttyrý bolyp otyr.
