Almaty ınfektsıonısteri vaktsınalaýdyń mańyzdylyǵyn túsindirdi
ALMATY. QazAqparat - Almaty ınfektsıonısteri vaktsınalaýdyńmańyzdylyǵyn túsindirdi, dep habarlaıdy QazAqparat tilshisi.
Dárigerlerdiń aıtýynsha, COVID-19 emdeý úshin arnaıy preparattar joq, sonyń saldarynan asqynýlar baıqalady. Sondyqtan, vaktsına saldyrý qajet.
Koronavırýsqa qarsy jappaı ımmýndaýdyń birinshi kezeńinde: ınfektsııalyq aýrýhanalardyń, jedel medıtsınalyq járdemniń, reanımatsııa bólimsheleriniń, qabyldaý bólmeleriniń medıtsına qyzmetkerleri, sanıtarlyq -epıdemıologııalyq qyzmet mamandary vaktsınatsııalanady.
Almatyda vaktsınatsııa egýge arnalǵan 40 kabınet ashyldy. Alǵashqy kúni 360 adamǵa salyndy.
Óz kezeginde sanıtarlyq-epıdemıologııalyq baqylaý departamentiniń ınfektsııalyq jáne parazıttik aýrýlardy baqylaý bóliminiń basshysy Almash Ahmetova vaktsınatsııa júrgizýdiń mańyzdylyǵyn túsindirdi.
Álemdegi pandemııaǵa baılanysty 2020 jyldyń naýryz aıynan bastap qalada koronavırýstyq ınfektsııa boıynsha epıdemıologııalyq qolaısyzdyq baıqalýda. COVID-19-bul jańa ınfektsııa bolǵandyqtan, halyqtyń kópshiliginde bul ınfektsııaǵa qarsy ózine tán ımmýnıtet joq. KVI patsıentterin tıimdi emdeý úshin arnaıy preparattar joq, sonyń saldarynan aýrýdyń asqynýy jaısyz jaǵdaılarǵa alyp keletini baıqalady», - deıdi ol.
Mamannyń aıtýynsha, júrgizilip jatqan shekteý, sanıtarlyq-profılaktıkalyq, sanıtarlyq-epıdemııaǵa qarsy is-sharalar kesheni halyq arasynda ınfektsııanyń taralýyn ýaqytsha toqtatýǵa múmkindik beredi.
Koronavırýs ınfektsııa boıynsha epıdemııalyq jaǵdaıdy turaqtandyrýdy qamtamasyz etý, pandemııaǵa qarsy is-qımyl jáne halyqty koronavırýstyq ınfektsııadan erekshe qorǵaýmen qamtamasyz etý maqsatynda Qazaqstan Respýblıkasy Prezıdentiniń tapsyrmasy boıynsha QR Bas memlekettik sanıtarııalyq dárigeriniń 27.01.2021 jylǵy №3 qaýlysyna sáıkes, halyqtyń ártúrli toptarynyń epıdemıologııalyq mańyzdylyǵyn eskere otyryp (basymdyǵy boıynsha) COVID-19-ǵa qarsy vaktsınatsııalaýdy kezeń-kezeńimen júrgizý bastaldy. Koronavırýs ınfektsııany juqtyrý jáne taratý qaýpi joǵary halyqtyń áleýmettik osal toptary odan ári ımmýndaýǵa jatatyn halyqtyń qalǵan toptaryn qamtı otyryp, vaktsınatsııalaýǵa jatady.
Koronavırýs ınfektsııasyn juqtyrý jáne ony taratý qaýpi joǵary toptar úshin vaktsınatsııalaý memleket esebinen tegin júrgiziledi.
Eske salaıyq, alǵashqy bolyp erikti túrde Almaty qalasy ákiminiń orynbasary E. Babaqumarov, Qoǵamdyq densaýlyq saqtaý basqarmasynyń basshysy N.Tabynbaev jáne qalalyq sanıtarlyq-epıdemıologııalyq baqylaý departamentiniń basshysy J. Bekshın, sondaı-aq máslıhat depýtaty, №5 QKA bas dárigeri B. Sadyqov vaktsınatsııadan ótti.
Almaty qalasy ákiminiń orynbasary Erjan Babaqumarov halyqty ımmýndaýdyń mańyzdylyǵyn atap ótti.
«Vaktsınatsııa – koronavırýs ınfektsııaǵa qarsy turýdyń jalǵyz ádisi. Ómirdiń burynǵy yrǵaǵyna oralý úshin vırýspen kúresýdiń osy tıimdi kezeńinen ótý kerek. Qoǵamdyq densaýlyq jáne árqaısymyzdyń, jaqyndarymyzdyń densaýlyǵy osyǵan baılanysty»,-dedi Erjan Babaqumarov.
Qazaqstanda vaktsınatsııa erikti túrde júrgiziledi. QR «Halyq densaýlyǵy jáne densaýlyq saqtaý júıesi týraly» Kodeksiniń 77-babyna sáıkes kez kelgen medıtsınalyq rásim, onyń ishinde vaktsınatsııa egilýshiniń tek aqparattandyrylǵan kelisimimen ǵana júrgiziledi. Qazaqstanda vaktsınatsııadan bas tartqany úshin ákimshilik nemese qylmystyq jaýapkershilik qarastyrylmaǵan.
