Almaty ІІD dáriden kóz jumǵan balalalarǵa qatysty aqparatty joqqa shyǵardy
ALMATY. QazAqparat - Almaty ІІD qalada kóz jumǵan 12 balaǵa qatysty aqparatty joqqa shyǵardy, dep habarlaıdy QazAqparat tilshisi.
Birneshe dárilik zattardy qabyldap, allergııasy qozyp kóz jumǵan 12 bala týraly aqparat Whatsapp jelisi arqyly tarap ketken bolatyn.
Qalalyq ІІD resmı ókili Saltanat Ázirbektiń aıtýynsha, bul aqparat shyndyqqa janaspaıdy.
«Bul qaýeset 2015 jyly taralǵan. Sol kezde jalǵan aqparat taratqan Astana qalasynyń turǵyny ustalǵan bolatyn. Er adam QR QK 274-babynyń 1-bólimimen qylmystyq jaýapkershilikke tartylǵan bolatyn», - dedi Saltanat Ázirbek.
