Almaty ІІD: Bizge de Amerıkanyń «911» call-ortalyǵyndaı júıe kerek
ALMATY. QazAqparat - Almaty ІІD Amerıkadaǵy «911» sııaqty biryńǵaı call-ortalyqtyń qajettiligin aıtty, dep habarlaıdy QazAqparat tilshisi.
«Bul bir kúndik sharýa emes ekendigin bilemiz. Bizdiń qolymyzdan bul máseleni sheshý kelmeıdi. 101, 103 qyzmetterin bir jelige biriktirip AQSh-tyń «911» call-ortalyǵyndaı júıege kóshýimiz kerek», - dedi brıfıngte qalalyq ІІD shuǵyl basqarý ortalyǵynyń basshysy Andreı Kvashnın.
ІІD resmı ókili Saltanat Ázirbek te bul usynysty quptap, biryńǵaı júıe men shtatty keńeıtýdiń qajettiligin aıtty.
«Eger biryńǵaı call-ortalyq bolsa, onda operatorlar psıhologııalyq turǵydan da kómek kórsete alady. Jaqynda qoǵamdyq kelisim jáne basqa qyzmet ókilderimen kezdestik. Bizdiń jaǵdaıymyz uqsas. Osy ýaqytqa deıin kósheniń qaıda ekenin surap qońyraý soqqandar boldy», - dedi ol.
Bıyl 8 aıdyń ishinde shuǵyl basqarý ortalyǵyna 500 myń qońyraý túsken. Olardyń 100-120 myńy ǵana polıtsııa kómegin qajet etken.
Eske sala ketsek, tártip saqshylary «102» qyzmetine operatorlar izdeıdi. Úmitkerlerge qoıylatyn talaptardy myna jerden oqı alasyz
