Almaty ІІD: «102» operatorlary qatań baqylaýǵa alynady
ALMATY.QazAqparat - Almaty polıtseıleri Jedel basqarý ortalyǵynyń jumysyn jandandyrý úshin kúsh salýda, dep habarlaıdy QazAqparat tilshisi.
Qalalyq ІІD-niń Jedel basqarý ortalyǵynda «102» operatorlaryna bólingen jumys ornynyń sany artqan. Mamandar Aqparattyq júıeler ortalyǵymen birige otyryp irikteledi. Úmitkerler kásibı biliktilik deńgeıin kóterý úshin fýnktsıonaldy mindetter men qyzmettik nusqaýlardy bilýi tıis jáne testileýden ótedi. Sonan soń ǵana arnaıy komıssııa sheshimen jumysqa qabyldanady.
«Birinshiden, Almaty ákiminiń nusqaýymen ІІD-inde rezervter men shtattar qaıta qaralyp, «102» operatorlaryn kóbeıtý sharasy qolǵa alynǵan. Ekinshiden «102» operatory 12 saǵattyq jumys kestesine aýysty. Birinshi aýysym tańǵy 08:00 - 20:00-ge deıin, ekinshi aýysym keshki 20:00 - 08:00-ge deıin jumys isteıdi. Kezekshi aýysym qyzmetkeri pýltten bir eli ajyramaı otyrady. Úshinshiden «102» qyzmetin «Call center» "Coral FlexiCom R800 baǵdarlamalarymen qamtatamasyz etý jolǵa qoıylǵan. Kelip túsken qońyraýlardy onlaın rejimde baqylap otyrý; operatorlardyń qyzmet kórsetý sapasyn, jaýap berilmegen qońyraýlar men kezekte turǵandarynyń esebin kórsetetin fýnktsııa jumys isteıdi»,- dedi Almaty ІІD Jedel basqarý ortalyǵynyń basshysy, polıtsııa polkovnıgi Andreı Kvashnın.
«102» arnaıy jelisiniń qońyraý shalýshylarǵa qyzmet kórsetý sapasyn baqylaıtyn strategııalyq taldaý bar. Monıtorıng «102» arnaıy jelisiniń ár operatorynyń atqarǵan jumysyn, qabyldanǵan qońyraýlar men kútý rejiminde qanshasy turǵanyn avtomatty túrde kórsetip beredi. Jedel basqarý ortalyǵynyń operatsııa zalyna dıspleı kómegimen engiziletin esepter «102» operatorlaryn qatań baqylaýǵa alady.
«Bıyl 28 qyrkúıek jaǵdaıy boıynsha qalalyq JBO «102» baılanys jelisine 568 myń 850 qońyraý túsken. Bul ótken jylǵa qaraǵanda , 8,6% -ǵa kóp. Almaty ІІD JBO -da bir operator bir kúnde 250 habarlama alady. Demek «102» qyzmeti kúni boıy 2 myń telefon qońyraýyn qabyldaıdy. Taldaýǵa súıensek, kún saıyn saǵat 15.00 men 21.00 aralyǵy qarbalas sát. Qońyraýdy qabyldaý men aqparattyq izdestirý kartochkasyn toltyrýǵa operatordyń 2 mınýt ýaqyty ketedi. Alaıda munyń ózi oqıǵaǵa, habarlaýshynyń jaǵdaıyna, meken-jaıdy anyqtaýyna baılanysty bolady»,- dedi polkovnık Kvashnın.
