Almaty horeografııalyq ýchılışesiniń 75 jyldyǵyna oraı merekelik kontsert uıymdastyryldy
Y. Qarashanyń 12-i. QazAqparat /Názıra Eleýhan/ - Almatyda A.V.Seleznev atyndaǵy Almaty horeografııalyq ýchılışesiniń 75 jyldyǵyna arnalǵan osy bilim ordasynyń oqýshylary men túlekteriniń merekelik kontserti boldy,
dep habarlaıdy QazAqparat.
Kontserttiń ashylý saltanatynda Almaty qalalyq mádenıet basqarmasy, T.Júrgenov atyndaǵy óner akademııasy, Ál-Farabı atyndaǵy Qazaq ulttyq ýnıversıteti, Uıǵyr teatry basshylary jáne balet óneriniń ardagerleri oqý ordasynyń mereıtoıymen quttyqtady.
«75 jyl aralyǵynda bizdiń ýchılışeden shyqqan 10-nan astam halyq ártisterin, 50-den astam eńbek sińirgen qaıratkerlerdi, 100-den asa halyqaralyq balet baıqaýlarynyń laýreattary men dıplomanttaryn, gran prı ıelerin oqý ornymyzdyń jemisti nátıjeleri dep bilemin. Bizdiń túlekter elimizde jáne shet elderde ónerlerimen el-jurtty tamsantyp, óz ónerlerimen pash etip júrgenderine qýanamyn», dedi óz sózinde ýchılışe dırektory Qarlyǵash Myrzahanova.
