Almaty hokkeıshileri «Arlan» komandasynan basym tústi
ASTANA. QazAqparat - Almatynyń Halyk Arena kópfýnktsıonaldy sport kesheninde erler arasynda shaıbaly hokkeıden Qazaqstan chempıonatynyń 4-týry ótti, dep habarlaıdy QazAqparat aqparattyq jáne sporttyq HAB-qa silteme jasap.
«Almaty» hokkeı komandasy óz arenasynda kokshetaýlyq «Arlan» komandasyn qabyldady. Birinshi oıynda almatylyqtar tartysty kezdesýdiń nátıjesinde qonaqtardy býllıt boıynsha 3:2 esebimen jeńgen bolatyn. Alań ıeleriniń sapynan Aleksandr Evgrafov, Alekseı Efremov jáne ıÝlıan Popovıch kózge tústi.
Al, ekinshi kezdesýde qyzyqqa toly match Rústem Nefedov shákirtteriniń paıdasyna aıaqtaldy. Aleksandr Evgrafov pen Sergeı Demagınniń eki golyna qarsylastar bes shaıbamen jaýap qaıtardy. Esep 2:5.
«Keshe bizdiń jeńiske degen qushtarlyǵymyz kóp boldy. Jaqsy oıyn kórsettik. Al, búgin, oıynshylar tolyqqandy qalpyna kele almaı qatelikterge jol berdi. Sonyń saldarynan kóp gol jiberip aldyq», - dedi «Almaty» HK aǵa jattyqtyrýshysy Igor Dorohın.
Aıta ketsek, «Almaty» HK kelesi oıyndaryn óz alańy Halyk Arena-da 27 jáne 28-shi qyrkúıek kúnderi astanalyq «Nomad» klýbyna qarsy ótkizedi.
Foto: shaiba.kz
