«Almaty» hokkeı klýbynyń bas bapkeri ózgerdi
ALMATY. 3 jeltoqsan. QazAqparat - Qazaqstannyń shaıbaly hokkeı federatsııasy saıtynyń habarlaýynsha, «Almaty» klýbynyń bas bapkeri aýysty.
Aleksandr Vysotskııdiń ornyn endi komanda jattyqtyrýshysy Oleg Bolıakın basty. Qazaqstannyń eńbek sińirgen jattyqtyrýshysy O. Bolıakın almatylyqtardyń jattyqtyrýshylar shtabyna jazda bas menedjer bolyp Óskemenniń «Kaztsınk-Torpedo» komandasynyń bas bapkerliginen aýysyp kelgen bolatyn.
1965 jyly 23 qyrkúıekte Qaraǵandyda ómirge kelgen 47 jastaǵy bul maman 1981-98 jyldary Qaraǵandynyń «Avtomobılıst», 1998-99 jyldary Habarovskiniń «Amýr», 1999-2003 jyldary Orskiniń «ıÝjnyı Ýral» klýbtarynda oınady. Al 2007-2008 jyldary Pavlodardyń «Ertis», 2009-2010 jyldary Qaraǵandynyń «Saryarqa», al 2010-2012 jyldary Óskemenniń «Kaztsınk-Torpedosynda» bas bapker bolyp jumys jasady. Jalpy onyń jattyqtyrýshylyq qyzmeti 2003-2004 jyldary «Qazaqmys-2» klýbynan bastaldy. 2009-2010 jylǵy maýsymda «Saryarqa» komandasymen el chempıony atanǵan ol sondaı-aq, jastar quramasynda 2004 jyly jattyqtyrýshy, 2005 jyly aǵa jattyqytrýshy, 2006-209 jyldary bas bapker boldy. Eren eńbegi úshin oǵan 2007 jyly Qazaqstanyń eńbek sińirgen jattyqtyrýshysy ataǵy berilgen bolatyn.
