Almaty HQO-lary ótken jyly 2 mln-nan astam memlekettik qyzmet kórsetken

ALMATY. QazAqparat – «Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıaly ótken jyly HQO-lar arqyly - 2 665 567 memlekettik qyzmet, ózine-ózi qyzmet kórsetý sektorlary arqyly - 1 376 486, mamandandyrylǵan bólim arqyly 945 433 qyzmet kórsetken. Bul týraly Óńirlik kommýnıkatsııalar qyzmeti brıfınginde «Azamattarǵa arnalǵan úkimet» memlekettik korporatsııasynyń Almaty qalasy boıynsha fılıaly dırektorynyń orynbasary Farıda Bokıjanova aıtty, dep habarlaıdy QazAqparat tilshisi.

«Qazirgi tańda memlekettik qyzmetterdiń 94%-y «Elektrondyq úkimet» portalynda onlaın túrde qoljetimdi, 940 qyzmet smartfon, 26 qyzmet proaktıvti jáne 38 qyzmet «Beıne HQO» formaty arqyly kórsetiledi. 2022 jyly júzege asyrylǵan pılottyq joba boıynsha qujattandyrý salasynda pılottyq jobalar júzege asyryldy, memlekettik qyzmetterdiń barlyq túrleri boıynsha qaǵaz túbirtekterden bas tartty, - elektrondyq qosymshalar, SMS arqyly habarlamalarǵa qol qoıý arqyly qyzmetter kórsetý engizildi, mobıldi qosymshasy Mobıldi HQO arqyly, beıneqońyraý arqyly Elektrondyq tsıfrlyq qoltańbany alý, memlekettik qyzmetterdi ekinshi deńgeıli bankterdiń – Kaspi Bagk, Halyq banki jáne Freedom Finance jáne de RAGS arqyly azamattardy tirkeý jáne Kólik quralyn tirkeý qyzmetin alý, Operatsııalyq zaldaǵy 183 jumys ornynyń 58 jumys ornyn jyldamdyq aımaǵynda uıymdastyrdy, ıAndeks jáne My khat servısteri arqyly daıyn qujattardy jetkizý qyzmeti uıymdastyryldy», - dedi Farıda Bokıjanova.

Ol sondaı-aq memlekettik qyzmettiń eń tanymal bes qyzmetine toqtaldy.

«Olar ETsQ alý, kólik quralyn tirkeý, júrgizýshi kýáligin alý, áleýmettik qyzmetter, jyljymaıtyn múlikti tehnıkalyq tekserý jáne tirkeý boldy», - dedi spıker.

Aıta keteıik, «Azamattarǵa arnalǵan úkimet» memlekettik korporatsııasy Almaty qalasy fılıalynda búgingi kúni 13 front-ofıs, 4 mamandandyrylǵan bólim, 1 kóshi-qon bólimi jáne 13 bek-ofıs bar.