Almaty HQKO mamandary kelýshilerdiń qalyń legin qalaı qabyldap jatqany týraly aıtyp berdi
ALMATY. QazAqparat - Almatyda Medeý aýdanynyń HQKO qyzmetkerleri QazAqparat tilshisine ýaqytsha tirkeý naýqanynyń bir kúni týraly aıtyp berdi.
«Qazirgi tańda bizde barlyq ortalyqtaǵydaı qym-qýyt jumys júrip jatyr. Tańǵy 8-den keshki 20.00-ge deıin jumystamyz. Túski asqa ǵana ýaqyt bólingen. Ýaqytsha tirkeý boıynsha úı ıeleri óziniń tirkeıtin adamdaryn alyp keledi. Barlyǵy elektrondy kezek arqyly. Keshe 653 adam tirkeldi. Sondaı-aq, eGov portalynda elektrondy tirkeý qyzmeti de qoljetimdi. Biraq onda ýaqytsha emes, turaqty tirkeý jasaýǵa bolady», - dedi «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamynyń fılıaly, Medeý aýdandyq HQKO qyzmetkeri Dınara Baıramova.
Onyń aıtýynsha, jumystyń kóptigine baılanysty klıentter tańǵy 8-den kelip jatyr. Sondaı-aq, mekeme mańynda jedel járdem karetasy men ystyq taǵam pýnkti jumys istep tur.
«Turǵyndardyń tirkelgen jeri basqa, turatyn mekenjaıy basqa bolsa da, ony da málim etip, ýaqytsha tirkelgen abzal. Azamattar 3 aıdan 1 jylǵa deıin ýaqytsha tirkele alady», - dedi ol.
Mamannyń aıtýynsha, kelýshilerdiń shamamen 40 paıyzy úıin jalǵa berýshiler bolyp otyr. Qalǵany óz týysqandaryn tirkep jatyr.
«Azamattar ózine jaqyn ornalasqan HQKO-ǵa ótinim bere alady. Jyljymaıtyn múlik basqa aýdanda bolsa da qyzmetkerler qujatty qabyldaýy tıis», - dedi maman.
