Almaty haıýanattar baǵynyń saıtyn buzǵandar jalǵan aqparat taratty
ALMATY. QazAqparat - Almaty zoobaǵynyń saıtyn syrttan buzǵany anyqtaldy. Bul týraly atalǵan baqtyń baspasóz hatshysy Toqtar Álıev habarlap otyr.
Onyń aıtýynsha, keshe 26 qazan kúni saıtty basqarý múmkin bolmaı ketken. DDOS vırýsynyń shabýyl jasalǵany bilindi, osydan keıin saıtta durys emes aqparat jarııalandy.
«Saıttyń bir bóliginde jaqynda ólgen kerik Melman týraly, onyń ólimine qatysty aqparat paıda boldy. Onda kerik mıyna belgisiz etıologııa quıylyp mert bolǵan dep jazylǵan. Osyǵan qatysty, bul aqparattyń jalǵan ekenin málimdeımin. Kerik ólimine qatysty saraptama qorytyndysy búgin belgili bolady. Osydan keıin ǵana ólim sebebin aıta alamyz. Qazir saıtqa kirý qalpyna keltirildi. Qoldaý qyzmeti barlyq sebepterin anyqtap jatyr», - dedi ol.
