Almaty haıýanattar baǵyndaǵy ıagýarlar egiz tóldedi

ALMATY. QazAqparat - Jańa jyl qarsańynda Almatydaǵy haıýanattar parki qýanyshty jańalyǵymen bólisti. Mekemeniń qamqorlyǵyndaǵy ıagýarlar juby egiz tóldegen, dep habarlaıdy QazAqparat.

Vasek pen Momyn dep atalatyn ıagýarlardan týǵan tólderge Mıka jáne Mádı degen ataýlar tańylǵan. olardyń biri - erkek, biri - urǵashy.

«Olar 9 shildede týǵan, biraq biz qazir ǵana aıtyp otyrmyz, óıtkeni óte yrymshylmyz jáne tólderdiń ósýin kúttik.

Mıka ákesine uqsaıdy, terisiniń túsi qara, al Mádı anasy sııaqty, terisi - teńbil. Biraq Mıkanyń minezi anasyna tartqan, óte meıirimdi, al Mádı anasyna uqsasa da, ákesi Vasek sııaqty shapshań ári buzyq», - dep jazdy zooparkten.

Mamandardyń málimetinshe, jalpy ana ıagýar men tólderdiń jaǵdaıy jaqsy. Kez kelgen úı marǵaýlary sııaqty, Mádı men Mıka da bir-birimen nemese anasynyń quıryǵymen oınaǵandy unatady.

Aıta keterligi, bul janýarlar Ońtústik Amerıkanyń jyly elderinen ákelingen. Olar qysta «Jyrtqysh sútqorektiler» pavılonynda turady.