Almaty haıýanattar baǵyndaǵy totyqustar jazǵy torynda qystaıdy
ALMATY. QazAqparat - Almaty haıýanattar baǵynyń tarıhynda alǵash ret karella jáne aqbasty rozella avstralııalyq totyqustyń eki túri ashyq aspan astyndaǵy jazǵy torynda qystaýǵa qaldyryldy, dep habarlaıdy «QazAqparat» HAA tilshisi zjobaqtyń baspasóz qyzmetine silteme jasap.
Zoobaq mamandarynyń aıtýynsha, bul qustar Avstralııanyń bıik taýly aımaǵynda ómir súrýge daǵdylanǵandyqtan, óte tómen temperatýraǵa tózimdi. «Olar mamandardyń baqylaýynda. Eń bastysy, durys dıeta jasaı bilý, ıaǵnı piste berý kerek. Bundaı sheshim qabyldaýymyzǵa tabıǵat ta áser etti. Birneshe jyl buryn Armenııada, jeke kollektsııadan ba, álde basqa jerden be bilmeımin, áıteýir totyqustardyń úlken toby ushyp ketken. Keıbireýlerin ustady, al qalǵandary jergilikti aýa-raıyna úırenip ketti. Osy sekildi oqıǵa Ulybrıtanııada da bolǵan. Árıne, eger aýa-raıy kúrt sýytyp, aıaz bolsa, jyly orynǵa aýystyramyz», - dedi baqtyń ekzotıkalyq qustar bóliminiń meńgerýshi Aleksandra Pylaıkına.
