Almaty haıýanattar baǵynda eliktiń laǵy ómirge keldi
Zoobaqtyń málimetinshe, eliktiń laǵy 28 maýsymda Krýglıashok pen Raıhan atty elikter jubynda ómirge kelgen. «Bul erekshe súıkimdi janýar kimdi esterińizge túsiredi? Árıne, balalarǵa arnalǵan mýltfılmnen barshańyzǵa belgili eliktiń laǵy – Bembıdy eske túsiredi. Ol 28 maýsymda Krýglıashok pen Raıhan atty elikter jubynda dúnıege keldi. Biz oǵan Báısheshek dep at qoıdyq. Búginde ol kishkene ósip, ózin jaqsy sezinedi. Ázirge enesiniń sútin emedi, azdap shóptiń, jemister men jarmanyń dámin tata bastady», - dep habarlady zoobaq ujymy.
Kishkentaı Báısheshekti zebralar voleriniń oń jaǵyndaǵy úlken qorshaýda turatyn elikter otbasynda kórýge bolady. Qazir Báısheshek ol jerdi óziniń úlken-kishi týystarymen birge mekendeıdi.
Eske salsaq, buǵan deıin Almaty haıýanattar baǵynda Djambo jáne Lottı esimdi sýsıyrlardyń otbasynda kishkentaı sýsıyr ómirge kelgen bolatyn.
