Almaty haıýanattar baǵynda dúnıege kelgen kerikke qazaqsha esim berilmek
ALMATY. QazAqparat - Almaty haıýanattar baǵynda kerik dúnıege keldi, dep habarlaıdy QazAqparat tilshisi zoobaqtyń baspasóz hatshysy Aıgerim Nııazbekovaǵa silteme jasap.
Aıgerim Nııazbekovanyń aıtýynsha, keriktiń balasy 8 tamyz kúni dúnıege kelgen.
«Bul oqıǵany jasyryp, aıtpadyq. Sebebi, jańadan dúnıege kelgen janýar týraly birden jar salyp, jarııalaýǵa bolmaıdy. Onyń óskenin, býyny qataıǵanyn kútý kerek. Endi oǵan esim qoıatyn bolamyz. Áleýmettik jeli arqyly baıqaý jarııalap, qatysýshylar usynǵan ádemi atty tańdaımyz. Oǵan qazaqsha qyz balanyń esimin qoıatyn shyǵarmyz», - dedi zoobaq baspasóz hatshysy.
