Almaty haıýanattar baǵy ýaqytsha jabyldy
ALMATY. QazAqparat – Almatyda haıýanattar baǵy ýaqytsha jabyldy, dep habarlaıdy QazAqparat.
«Almaty haıýanattar baǵynyń ákimshiligi COVID-19 vırýsyna baılanysty qalyptasqan jaǵdaıǵa jáne elimizde koronavırýs ınfektsııasynyń taralýyna jol bermeý, sondaı-q onyń aldyn-alý sharalarynyń kúsheıtilýine oraı haıýanattar baǵy 2020 jyldyń 14 naýryzynan bastap kelýshiler úshin ýaqytsha jabyq bolatynyn habarlaıdy. Almaty haıýanattar baǵynyń ashylýy týraly kosymsha habarlanady», - delingen zoobaqtyń Instagram-daǵy paraqshasynda.
Aıta keteık, osy ýaqytta Qazaqstanda koronavırýs ınfektsııasyn juqtyrýdyń 4 jaǵdaıy tirkeldi. Onyń biri Italııanyń Mılan qalasynan Nur-Sultanǵa ushyp kelgen azamattan anyqtaldy. Úsh adam Germanııadan Almatyǵa áýe qatynasymen kelgen. Barlyǵy aýrýhanaǵa jatqyzyldy.
