Almaty halyqaralyq áýejaıynyń tarıhı qurylymy saqtalady - ákimdik
ALMATY. QazAqparat - Megapolıstegi áýejaı ǵımaratyn jańartý kezinde tarıhı qurylymy saqtalady, dep habarlaıdy QazAqparat tilshisi.
«Qurylys kompanııasyna tarıhı-mádenı mura obektilerin qorǵaý jáne paıdalaný zańnamasyna sáıkes, áýejaıdyń ótken ǵasyrdyń 30-jyldarynda erekshe sáýlettik stılimen salynǵan biregeı ǵımaratyn saqtaý boıynsha usynystar berildi», - deıdi Almaty qalalyq josparlaý jáne ýrbanıstıka basqarmasynyń ókilderi.
Eske salaıyq, Almaty áýejaıy osydan bir jyl buryn túrik kompanııasynyń menshigine ótken bolatyn.
Kompanııa jobasyna jańa termınal salý jáne jumys istep turǵan áýejaıdy jańǵyrtý, ótkizý qabiletiniń shekteýlerin joıý, baǵyttardy keńeıtý, reıster sanyn ulǵaıtý, jolaýshylarǵa qyzmet kórsetý sapasyn arttyrý jumystary kiredi.
