Almaty halyqaralyq áýejaıynyń múlki 11 mıllıard 970 mıllıon 289 myń 748 teńge saqtandyryldy
ALMATY. Sáýirdiń 19-y. QazAqparat /Erlik Erjanuly/ - «Allianz Qazaqstan» saqtandyrý kompanııasy «Almaty halyqaralyq áýejaıy» AQ júrgizgen múlikti saqtandyrý tenderinde lot jeńimpazy bolyp tanyldy,
dep habarlaıdy QazAqparat kompanııanyń baspasóz qyzmetine silteme jasap.
«Almaty halyqaralyq áýejaıy» AQ múlikti saqtandyrý qyzmetin satyp alý boıynsha júrgizgen tenderge 8 kompanııa qatysqan bolatyn. «Allianz Qazaqstan» kompanııasy «Múlikti saqtandyrý» lotynda jeńiske jetti. Tender nátıjesinde aktsıonerlik qoǵamnyń múlki 11 mıllıard 970 mıllıon 289 myń 748 teńge somasyna saqtandyrylatyn boldy.
Endi saqtandyrý kompanııasy Almaty halyqaralyq áýejaıynyń búkil múliktik keshenin saqtandyrý shartyn jasaıtyn bolady. Oǵan atap aıtqanda, kólik quraldary, termınal qural-jabdyqtary, transformatorlyq aralyq stansy, traptar, júk mashınalary men qonaq úıler, ushyp jetý ǵımaraty, VIP ǵımaraty jáne taǵy basqa da múlikter enip otyr. Onda saqtandyrý tólemi - órt, naızaǵaı, jarylys, jer silkinisi, daýyl, qatty jel, sý tasqyny, sel, sý basý, aqaýly sý qubyry júıesi, kárizdik, jylytý júıeleri keltirgen zalal, saqtanýshy múligine kórshi turǵan nemese bógde ǵımarattardan sýdyń kirýi, buzyp urlaý, tonaý, qaraqshylyq, basqarylatyn ushý apparattarynyń nemese olardyń synyqtarynyń jáne olardan túsken zattardyń qulaýy sııaqty jaǵdaılarda júzege asyrylmaq.
