Almaty halyqaralyq áýejaıyndaǵy jarylǵysh zat týraly habar rastalmady
ALMATY. QazAqparat - Almaty áýejaıyndaǵy jarylǵysh zat jaıly habar rastalmady. Bul týraly tap qazir «QazAqparat» tilshisine Almaty Halyqaralyq áýejaıynyń Avıatsııalyq qaýipsizdik qyzmetinen habarlady.
«Qazir áýejaıdaǵy jaǵdaı birqalypty. Barlyq qyzmetter shatttyq rejimde jumys istep jatyr. Ushaqtardyń ushyp kelý jáne ushyp ketý kestesine eshqandaı nuqsan kelmegen. Reısterdiń eshqaısysy kidirgen joq», - dep jaýap berdi avıatsııalyq qaýipsizdik qyzmetinen.
Aıta ketelik, búgin tańǵy saǵat 08:00-de áýejaıdyń qol júkterdi alý aımaǵynda qaraýsyz jatqan sómke jaıynda habar taratylǵan bolatyn. Almaty q. ІІD kóliktegi baspasóz qyzmetiniń habarlaýynsha, shuǵyl arada oqıǵa ornyna tergeý-opertıvtik toby jetken. Aýmaq qorshaýǵa alynyp, áýejaıdyń qyzmetkerleri men jolaýshylar qaýipsiz jerge shyǵaryldy. Kınologııalyq qyzmettiń kúshimen jan-jaqty tekserý júrgizildi. Alaıda, jarylǵysh zat týraly habar rastalmady. Tańǵy saǵat 09:00-de áýejaı jumysy shattyq rejimge kóshti.
