Almaty halyqaralyq áýejaıynda zańsyz jumys istep turǵan oıyn avtomattarynyń 2 zaly anyqtaldy
ASTANA. Qazannyń 29-y. QazAqparat - Ońtústik Shyǵys aımaqtyq kólik prokýratýrasynyń organdary Jelilik ishki ister bóliminiń (JІІB) jedel qyzmetkerlerimen birlesip Almaty halyqaralyq áýejaıynda zańsyz jumys istep turǵan avtomatty oıyndardyń eki zalyn anyqtady,
dep habarlaıdy QazAqparat Bas prokýratýranyń baspasóz qyzmetine silteme jasap.
Habarlanǵanyndaı,, oıyn bıznesi salasyndaǵy zańsyz kásipkerlikti anyqtaý jáne joıý boıynsha tekserý jumystaryn júrgizý barysynda Almaty qalasy halyqaralyq áýejaıynyń «Jańa jolaýshylar termınaly» ǵımaratynyń 1 jáne 2-qabattarynda oıyn avtomattarynyń eki zaly zańsyz ornalasqany anyqtaldy.
Prokýratýranyń málimdeýinshe, áýejaıdyń kútý zalynda birinshi qabattaǵy oıyn zalynda operator-kassır retinde resmı emes túrde jumys istegen A. esimdi azamatsha ustalǵan. Ol jeńisteri úshin klıetterge aqsha berip otyratyn bolǵan.
Ǵımarattyń ekinshi qabatynyń kútý zalynda da osyndaı qyzmetke jaldanǵan P.esimdi azamatsha qolǵa tústi.
Anyqtalǵandaı, jalpy sany 18 oıyn avtomaty «Qalybaev» jáne «Bıdaev» jeke kásipkerlikterine tıesili.
Oıyn avtomattar men tekserý barysynda kassalarda tabylǵan aqsha qarajattary tárkilendi, tergeýge deıin tekserý amaldary júrgizilýde.
