Almaty halyqaralyq áýejaıynda qaýipsizdik sharalary kúsheıtildi (FOTO)
ALMATY. QazAqparat - Almaty qalasynyń halyqaralyq áýejaıynda qaýipsizdik sharalary kúsheıtildi. Bul týraly búgin áýejaıdyń resmı saıtynda málim etildi.
«Búgingi tańda tekserý sharalarynyń birinshi jelisi iske qosyldy. Qazir, áýejaıdyń jolaýshy termınalyna kirip jatqan barlyq azamattar qosymsha tekserilip jatyr. Qaýipsizdik sharalarynyń kúsheıtilýine baılanysty, Almaty halyqaralyq áýejaıy jolaýshylardy áýejaıǵa erterek kelýdi suraıdy», - delingen habarlamada.
Aıta ketelik, Aqtóbe qalasyndaǵy lańkestik áreketterge baılanysty Qazaqstanda keshe 40 táýlikke lańkestik qaýiptiliktiń birqalypty «sary» deńgeıi engizildi. 
