Almaty halyqaralyq áýejaıynda 22 keli altyn tasymaldaý kontrabandasynyń joly kesildi
ASTANA. 4 qarasha. QazAqparat - Shekarashylar Qazaqstan Respýblıkasyna kontrabandalyq jolmen quny 700 myń dollardan asatyn jalpy salmaǵy 22 kelige jýyq zergerlik buıymdardy alyp ótpek bolǵan azamatty ustady, dep habarlady QR UQK KQ baspasóz qyzmetinen.
«Almaty» ótkizý pýnktiniń keden jasaǵy TK-350 «Ystambul-Almaty» jolaýshylar reısin tekserý kezinde kedendik baqylaýdan ótkennen keıin 1984 jyly týǵan Qazaqstan azamaty ustaldy.
Qol júgin tekserý kezinde jalpy salmaǵy 22 kelige jýyq zergerlik zattary bar kontrabandalyq júk tabyldy.
Qazir protsessýaldyq áreketter júrgizilýde. Zań buzýshy QR QK 209-babynyń 2-tarmaǵy boıynsha asa iri kólemdegi ekonomıkalyq kontrabanda úshin qylmystyq jaýapkershilikke tartylady.
Qazaqstan Respýblıkasy azamatyn ustaý faktisi boıynsha ózara árekettes organdar aqparattandyryldy.
