Almaty Halyqaralyq áýejaıyna halyqaralyq ІІІV sanaty berildi
ASTANA. 8 jeltoqsan. QazAqparat. 2011 jylǵy 8 jeltoqsanda Memleketaralyq avıatsııalyq komıtet (MAK) pen QR Kólik jáne kommýnıkatsııa mınıstrliginiń Azamattyq avıatsııa komıteti Almaty qalasy aerodromynyń IKAO-nyń ІІІV sanatyna sáıkestigi jóninde sertıfıkatty «Almaty halyqaralyq áýejaıy» AQ-na tabystady,
dep habarlady QR Kólik jáne kommýnıkatsııa mınıstrliginiń baspasóz qyzmeti.
Memleket basshysynyń ushý turaqtylyǵyn qamtamasyz etý jónindegi tapsyrmasyna oraı, QR Kólik jáne kommýnıkatsııa mınıstrligi arnaıy Іs-sharalar josparyn ázirlegen bolatyn. Sonyń bir tarmaǵyna sáıkes osy Almaty áýejaıynyń áýejaıyn IKAO-nyń ІІІV sanatyna sáıkestendirý mejelengen bolatyn.
Almaty qalasynyń áýejaıy taýly jerde ornalasqandyqtan, munda jylyna ortasha alǵanda 35 kúndeı tuman bolady. 2010 jyly áýejaıda aýa raıynyń buzylýyna baılanysty 268 reıs keıinge qaldyrylyp, barlyq keshigýlerdiń 4,5 paıyzyn qurady.
Búginge deıin Almaty áýejaıynda IKAO-nyń ІІІA sanatyna sáıkes keletin jaryq pen belgi berý qurylǵysynyń júıesi ornatylǵan bolatyn. Ol ushý-qoný alańynda kóriný qashyqtyǵy 200 metrden tómen emes kezinde qonýǵa týra qalyqtap tómendeýin qamtamasyz etedi.
IKAO-nyń ІІІV sanaty áýejaıdaǵy kóriný qashyqtyǵy 75 metrden tómen emes kezinde ushý, qoný jáne burylýdy qamtamasyz etedi.
Almaty áýejaıyn IKAO-nyń ІІІV sanatyna sáıkestendirý postkeńestik keńistikte alǵash ret júrgizilip otyr. Bul ony álemniń eń ozyq áýejaılarynyń qataryna qosty.
Anyqtamalyq: ІІІV sanaty jaǵdaıynda áýe kemeleriniń arnaıy oqytylǵan ekıpajdary men tek qana arnaıy qurylǵylarmen jabdyqtalǵan zamanaýı ushaqtar ǵana qonýdy júzege asyra alady. Al, eskirgen áýe kemeleri, onyń ekıpajynda arnaıy ruqsat bolsa da, qonýdy júzege asyra almaıdy.
