«Almaty» halyqaralyq áýejaıy» AQ men «Aı Sı Grýpp» JShS basshylaryna qatysty qylmystyq is jeke óndiriske alyndy
ASTANA. 13 sáýir. QazAqparat /Marlan Jıembaı/ - «Almaty» halyqaralyq áýejaıy» AQ Prezıdenti Ydyrysov pen «Aı Sı Grýpp» JShS Muhamedjanǵa qatysty qylmystyq is jeke óndiriske alyndy.
Bul týraly búgin elordada QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
«Ydyrysov pen Muhamedjan «Almaty» halyqaralyq áýejaıy» AQ-nyń jańa jolaýshylar termınaly qurylysyna bólingen 1 mlrd. 167 mln. teńge qarjysyn urlady dep aıyptalyp otyr», - dedi ol.
Resmı ókildiń atap ótýinshe, Ydyrysov sondaı-aq reıstik ushaqtarda bort tamaǵynyń baǵasyn joǵarlatý arqyly 1 mlrd. teńgeden astam qarjyny jymqyrdy dep te aıyptalýda. Atalǵan eki azamatqa da sot sanktsııasymen izdeý jarııalandy.
«Almaty» halyqaralyq áýejaıy» AQ bas býhgalteri Gamazovaǵa, «Eı Sı Es» jáne «Eı Tı Es» JShS-larynyń burynǵy dırektory Shamsýdınovqa, «Eı Sı Es» JShS-niń burynǵy bas býhgateri Bılıanovaǵa jáne osy mekemeniń qyzmetkeri Ignatovaǵa QR «Býhgalterlik esep jáne qarjylyq eseptilik týraly» Zańnamasyn buzyp, aldaý arqyly 1 mlrd. teńgeden astam shyǵyn keltirdi degen aıyptar taǵyldy.
«Gamazova men Shamsýdınov sot sanktsııasymen tutqyndaldy», - dedi resmı ókil.
