Almaty halqynyń 8 paıyzy tumaýǵa qarsy egilgen

ALMATY. QazAqparat - Almatyda jedel respıratorlyq vırýsty ınfkhektsııalar men tumaýmen aýyrǵandar sanynyń ósýi baıqalmaıdy, dep habarlaıdy QazAqparat tilshisi.

Almatynyń bas sanıtarlyq dárigeri Qaırat Baımuhambetov brıfıng barysynda halyqty vaktsınalaý týraly málimetterdi jarııalady.
«Kúzgi jedel respıratorlyq aýrýlar kezinde naýqastardyń sanynyń artýy ázirge baıqalmaıdy. Belsendi túrde halyqty vaktsınalap jatyrmyz. Qala bıýdjetinen qarajat bólindi. Búginde 100% vaktsına alýy tıis adamdar - bul medıtsınalyq qyzmetkerler, dıspanserlik eseptegi balalar, ınternat-úıdegi qarttar jáne qyzmet kórsetý salasyndaǵy jandar. Vaktsınalaý jumys berýshiler esebinen júrgiziledi. Ázirge shamamen 8% halyqty qamtydyq, maýsym aıaǵyna deıin 10% asýy múmkin», - dedi Baımuhambetov.