Almaty halqynyń 42%-y profılaktıkalyq ekpemen qamtylǵan
ALMATY. QazAqparat - Jyl basynan beri Almatyda profılaktıkalyq ekpemen qamtý 39,5 – 42% jetti. Bul týraly óńirlik kommýnıkatsııalar qyzmetiniń brıfınginde qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova málim etti, dep habarlaıdy QazAqparat tilshisi.
«Jyl saıyn qala profılaktıkalyq ekpemen qamtýdyń 95% dan astam kórsetkishin oryndaıdy. Ýaqtyly ımmýndaý vaktsınamen basqarylatyn ınfektsııalar boıynsha epıdemıologııalyq jaǵdaıdy turaqtandyrýǵa yqpal etetin halyq arasynda ımmýndyq qabat qurýǵa múmkindik beredi», - dedi Ásel Qalyqova.
Aıtýynsha, halyqty vaktsınatsııamen qamtýdyń joǵary kórsetkishterimen ǵana qoǵamda ujymdyq ımmýnıtet saqtalady. Ujymdyq ımmýnıtet vaktsına salǵyzbaǵandardyń úlesi artqan kezde báseńdeıdi.
«Halyqty vaktsınatsııamen barynsha qamtýdyń tıimdiligi vaktsınatsııamen basqarylatyn aýrýlardyń kópjyldyq dınamıkasymen dáleldendi. Máselen, sońǵy 20 jylda qyzamyq aýrýynyń 3 myń esege, parotıtpen 140 eseden astam, «V» gepatıtimen aýyrý 40 esege tómendegen. Sońǵy jyldary elde sirespeni juqtyrýdyń jekelegen jaǵdaılary tirkeldi, dıfterııa (2009 jyldan), polıomıelıt (1996 jyldan) jaǵdaılary tirkelmedi», - dep tolyqtyrdy spıker.
Sonymen qatar, ol búgingi tańda Almaty qalasynda vaktsınalar sany jetkilikti ekenin tilge tıek etti.
«Bul tıisti kontıngentke profılaktıkalyq ekpe jumystaryn ýaqtyly júrgizýge múmkindik beredi. Sonyń ishinde bir jasqa deıingi balalar, bul qala halqy arasynda ınfektsııalyq-parazıttik syrqattanýshylyq kórsetkishin tómendetýde»,- dedi ol.
