Almaty halqy eń kóp jol beretin quqyqbuzýshylyqtar
ALMATY. QazAqparat - Ótken jyly almatylyqtarǵa usaq quqyqbuzýshylyqtar úshin shamamen 5,5 mıllıard teńge aıyppul salynǵan, onyń basym bóligi abattandyrý qaǵıdalaryn buzýmen baılanysty bolyp otyr, dep habarlaıdy QazAqparat tilshisi qalalyq ІІD jergilikti polıtsııa qyzmetine silteme jasap.
Ótken jyldyń qorytyndysy boıynsha, Almaty qalasynyń ІІD bólimshesiniń kúshteri 135 myń 749 hattama toltyrǵan, 5 mıllıard 346 mıllıon 561 myń teńgege ákimshilik aıppul salǵan, onyń 4 mıllıard 432 mıllıon 982 myń 296 teńge óndirip alyndy.
«Jergilikti polıtsııa qyzmetiniń bólimsheleri usaq quqyqbuzýshylyqtardy anyqtaý jáne aldyn alý, «nóldik tózimdilik» qaǵıdatyn iske asyrý jumystaryn jandandyrý úshin birqatar uıymdastyrýshy-tájirıbelik sharalar qabyldady. Bizge Almatynyń belsendi turǵyndary úlken kómek kórsetkenine qýanyshtymyz. Ortaq kúsh salý arqyly zańǵa baǵyný sapasyn jaqsartyp, Almaty qoǵamynyń ár múshesi jaýapkershilikti sezine túserine senimim mol», - dedi Almaty qalasy ІІD jergilikti polıtsııa qyzmetiniń basshysy Jasulan Baıkenov.
Sondaı-aq, mekeme eń tanymal usaq quqyqbuzýshylyqtar tizimin úsyndy:
- 30038 adam QR ÁQBK 505-baby boıynsha abattandyrý erejelerin buzdy;
- 5857 adam QR ÁQBK 434-baby boıynsha usaq buzaqylyq jasady;
- 8944 adam QR ÁQBK 204-baby boıynsha ruqsat etilmegen oryndarda saýda-sattyqpen aınalysty;
- 4079 adam QR ÁQBK 408-baby boıynsha ıtterdi asyraý erejelerin buzdy;
- 5857 adam QR ÁQBK 437-baby boıynsha tynyshtyqty buzdy;
- 7508 adam QR ÁQBK 440-baby boıynsha kósheler men qoǵamdyq oryndarda alkogoldi ishimdik iship, mas kúıinde júrdi;
- 10717 adam QR ÁQBK 441-baby boıynsha, qoǵamdyq oryndarda shylym shekti;
- 3513 adam QR ÁQBK 442-baby boıynsha kámeletke tolmaǵandardyń túngi saýyq oryndarynan tabylýyna nemese túngi ýaqytta jalǵyz júrýine jol berdi;
