«Almaty - gúl qala» festıvali ótip jatyr
ATY. 28 mamyr. QazAqparat /Ádilet Musahaev/ - Búgin Almatyda Qazaqstan RespýblıkasyTuńǵysh Prezıdentiniń atyndaǵy saıabaqta «Almaty - gúl qala» festıvali ótýde.
Festıvaldi uıymdastyrýshylardyń aıtýynsha, sharanyń maqsaty - Almatyǵa gúl qala mártebesin qaıtarý, gúl sharýashylyǵyn jandandyrý, Qazaqstannyń mádenı keńistik aýmaǵyn keńeıtý, Almaty turǵyndary men qonaqtaryn ekologııalyq taza qala sherýine tartý, jyl saıynǵy gúl festıvalin ótkizip otyrýdy dástúrge aınaldyrý.
Festıval teatrlandyrylǵan kórsetilimdermen bastalyp, «Korolevstva plastıka» men «Art ı Shok» teatrynyń ártisteri óner kórsetti. Sonymen qatar balalar shyǵarmashylyq ujymdary, «Zazerkale» qýyrshaq teatry da óz qoıylymdaryn usyndy. Shara barysynda qoldanbaly ónerden, graffıtı sýretten, kóshe bıinen balalar úshin sheberlik synyptar, tıneıdjerler saıysy ótkizilip jatyr.
Keshke saǵat 18;00-de festıval aıasynda túrli gúl shoqtarmen bezendirilgen mashınalar, baıkerler, velosıpedshiler men mýzykanttardyń úlken parady uıymdastyrylatyn bolady. Olar «Mega» oıyn-saýyq ortalyǵynan bastap, ál - Farabı dańǵyly boıymen Qazaqstan Respýblıkasy tuńǵysh Prezıdenti atyndaǵy saıabaqqa qaraı júretin bolady.
Keshki baǵdarlamany «Nasha Kazasha» jobasynyń júrgizýshileri ashyp, elimizdiń estrada juldyzdary men tanymal ártister óner kórsetedi. Festıval merekelik otshashýmen aıaqtalatyn bolady.
Atalmysh sharanyń uıymdastyrýshylary - Almaty qalasynyń ákimdigi men Nicole ortalyǵy.
