«Almaty - gúl qala» festıvali ótedi
ALMATY. 23 mamyr. QazAqparat /Názıra Eleýhan/ - Almatyda 28 mamyr kúni Qazaqstan Respýblıkasy Tuńǵysh Prezıdenti atyndaǵy saıabaqta «Almaty - gúl qala» festıvali ótedi.
Atalmysh sharanyń uıymdastyrýshylary - Almaty qalasynyń ákimdigi men Nicole ortalyǵy.
Festıvaldiń maqsaty - Almatyǵa gúl qala mártebesin qaıtarý, gúl sharýashylyǵyn jandandyrý, Qazaqstannyń mádenı keńistik aýmaǵyn keńeıtý, Almaty turǵyndary men qonaqtaryn ekologııalyq taza qala sherýine tartý, jyl saıynǵy gúl festıvalin ótkizip otyrýdy dástúrge aınaldyrý bolyp tabylady.
Mereke kúndizgi saǵat 13-00-de teatrlandyrylǵan kórsetilimdermen bastalady, oǵan «Korolevstva plastıka» men «Art ı Shok» teatrynyń ártisteri qatysady. Sonymen qatar, balalar shyǵarmashylyǵynyń ujymdary, «Zazerkale» qýyrshaq teatry óner kórsetedi. Shara barysynda qoldanbaly ónerden, graffıtı sýretten, kóshe bıinen balalar úshin sheberlik synyptar, tıneıdjerler saıysy ótkizilmek.
Keshke festıval aıasynda túrli gúldermen bezendirilgen mashınalar, baıkerler, velosıpedshiler men mýzykanttardyń úlken parady uıymdastyrylady.
Keshki baǵdarlamany «Nasha Kazasha» jobasynyń júrgizýshileri ashady. Kesh barysynda estrada juldyzdary men tanymal ártister óner kórsetedi. Shara merekelik otshashýmen aıaqtalady.
