Almaty garnızonynyń áskerı soty qańtar oqıǵasy boıynsha úkim shyǵardy
Almaty garnızonynyń áskerı sotynda qarý qoldanyp, bılikti asyra paıdalanǵany úshin sotqa berilgen áskerı qyzmetshi E.-ǵa qatysty qylmystyq is qaraldy (QK-niń 451-baby 2-bóligi 1-tarmaǵy).
«2022 jylǵy 8 qańtarda Taldyqorǵan qalasynda sottalýshy E. «AQS-74» qarýyn qoldanýmen «Toıota Korolla» avtokóligine birneshe ret oq atyp, toqtaý talabyna qaramastan qozǵalysyn jalǵastyrǵan. Nátıjesinde eki adamnyń densaýlyǵyna aýyr zııan keltirilip, olardyń ólimine ákep soqtyrǵan. Sottalýshynyń kinási is boıynsha jınalǵan dáleldemeler, ıaǵnı jábirlenýshiler men kýágerlerdiń aıǵaqtarymen, sot-ballıstıkalyq, sot-medıtsınalyq saraptamalardyń qorytyndylary jáne zattaı dáleldemelermen dáleldendi», - delingen Almaty garnızonynyń áskerı sotynyń baspasóz qyzmetiniń habarlamasynda.
Prokýror sottalýshy E-ǵa túpkilikti 7 jyl merzimge bas bostandyǵynan aıyrý jazasyn taǵaıyndaýdy surady. Sottalýshy kinásin moıyndamady. Sot sheshimimen E.-tyń jasaǵan áreketi aýyr qylmystar sanatyna jatady jáne ony jasaǵany úshin 5 jyldan 7 jylǵa deıin bas bostandyǵynan aıyrý túrindegi jaza qarastyrylǵan.
«Jasalǵan qylmystyń sıpaty men qoǵamdyq qaýiptilik dárejesin eskere otyryp, sottalýshy E-ǵa 7 jylǵa bas bostandyǵynan aıyrý jazasy taǵaıyndaldy. Jábirlenýshiniń paıdasyna 7 mln teńge kóleminde moraldyq zııan óndirildi», - dep tolyqtyrdy baspasóz qyzmetinen.
Úkim zańdy kúshine engen joq
