Almaty ǵalymdary astyqtyń memlekettik qoryn uzaq ýaqyt saqtaýdyń tehnologııasyn ázirledi
ASTANA. 26 maýsym. QazAqparat - Almaty tehnologııalyq ýnıversıteti Azyq-túlik tehnologııasy ǵylymı-zertteý ınstıtýtynyń ǵalymdary elimizdiń Memlekettik materıaldyq rezervi úshin astyqty uzaq ýaqyt saqtaýdyń tehnologııasyn ázirledi.
Búgin astanada ótken «Qazirgi zamanǵy jaǵdaıda materıaldyq qundylyqtardy uzaq merzimdi saqtaýdy uıymdastyrý» atty halyqaralyq ǵylymı-tájirıbelik konferentsııada atalǵan ınstıtýttyń dırektory, tehnıka ǵylymdarynyń doktory, UǴA akademıgi Áýelbek Іztaevtyń aıtýynsha, búginde qazirgi qoldanylyp júrgen tehnologııa eskirgen. Olar ekologııalyq talaptarǵa jaýap bere almaıdy jáne kóptegen shyǵyndarǵa ákelip soǵady.
«Biz usynyp otyrǵan tehnologııa ıondy-ozondyq dep atalady. Biz ozondy qyshqyldatqysh retinde paıdalanamyz, ol hlordan edáýir tıimdi. Belgili dárejede totyqtandyrǵan kezde, ol kókti, mıkrobtardy, bakterııalardy, sondaı-aq, túrli kemirgishterdi joıýda óte yńǵaıly», - dedi Áýelbek Іztaev.
Onyń aıtýynsha, bul tehnologııa ozon astyqqa tolyq sińip, basqa jaqqa «ketip» qalmas úshin jabyq orynda qoldanylady. Sondaı-aq, ǵalymnyń atap ótýinshe, ıondy-ozondyq qospa atalǵan ınstıtýt qabyrǵasynda óndirilgen jáne óte jaqsy nátıjeler kórsetken.
