Almaty ftızıopýlmonologııa ortalyǵynan sońǵy eki naýqas koronavırýstan jazylyp shyqty
ALMATY. QazAqparat – Almaty ftızıopýlmonologııa ortalyǵynyń mamandary COVID-19-ben túsken sońǵy 2 patsıentti shyǵaryp saldy, dep habarlaıdy QazAqparat tilshisi.
68 jastaǵy áıel men 60 jastaǵy er adam ókpeleriniń 85 % jáne 100% qabynýymen túsken.
Dárigerler men medıtsına qyzmetkerleriniń kúshimen patsıentter aýrýdan aıyǵyp ketti.
«Medıtsına mamandaryna alǵysym sheksiz. Ásirese reanımatologtarǵa kóp rahmet. 26 kúndeı es-tússiz jatyppyn. Aman alyp qalǵandaryńyz úshin rahmet», - dedi patsıent.
Bul ortalyqta 12 sáýirden beri kronavırýstan 1300 adam jazylyp shyqqan. 5 aı boıy ortalyq mamandary, reanımatologtar, ftızıatrlar, hırýrgter, medbıkeler, sanıtarlar osynsha adamnyń densaýlyǵyn úshin ter tókken.
«Alaıda áli de koronavırýs qaýpi seıilgen joq. Kúz ben qysta jedel vırýstyq ınfektsııalarmen qabattasa otyryp, koronavırýs ınfektsııasy da joǵary jyldamdyqpen taralýy múmkin. Saqtyq sharalaryn barynsha saqtaýlaryńyzdy suraımyn», - dedi ortalyqtan.
