Almaty fontanynda toq soǵý oqıǵasy: 28 jastaǵy naýqastyń jaǵdaıy aýyr
ALMATY. QazAqparat - Almaty tsırkiniń janyndaǵy sýburqaqta toq soqqan úsh adamnyń bireýiniń jaǵdaıy áli de óte aýyr. Bul týraly Almaty qalalyq qoǵamdyq densaýlyq basqarmasy málim etti, dep habarlaıdy QazAqparat tilshisi.
«Naýqastyń jaǵdaıy aýyr, jansaqtaý bóliminde jatyr. Jasandy tynys alý apparatynan alyndy. Qazir ózi demalyp jatyr. 8 jáne 10 jasar qyzdar aýrýhananyń beıindi bóliminde jatyr. Ekeýiniń de jaǵdaıy turaqty, shaǵym joq, barlyq medıtsınalyq kómekti alýda», - dep habarlady Almaty qalalyq qoǵamdyq densaýlyq saqtaý basqarmasynan.
Eske sala keteıik, 19 maýsym kúni Almaty tsırki mańyndaǵy fontanda birneshe adamdy toq soqty.
Keıinnen ákimdik atalǵan oqıǵanyn mán-jaıyn túsindirdi.
Sonymen qatar, «Eco Almaty» JShS basshysy Janna Asanova, ol jerde «Shomylýǵa tyıym salynady!» degen eskertý taqtashasy ornatylǵanyn atap ótti.
Almaty ákimi oqys oqıǵaǵa qatysty polıtsııa tergeý júrgizip jatqanyn málim etti.
