Almaty Eýropadaǵy «Salamatty qalalar» qataryna endi
ALMATY. QazAqparat - Almaty qalasy Orta Azııa elderi ishinde DDSU Eýropadaǵy «Salamatty qalalar» qataryna engen birinshi qala. Qala ákiminiń orynbasary Murat Dáribaev bastaǵan delegatsııa Danııa astanasy Kopengagen qalasynda ótken «Salamatty qala» basshylarynyń konferentsııasyna qatysyp qaıtty, dep habarlaıdy QazAqparat tilshisi.
«Almaty - Orta Azııa elderiniń ishinen DDSU Eýropadaǵy «Salamatty qalalar» qataryna engen tuńǵysh qala. Bul tarıhı oqıǵa ǵana emes, qalamyzdaǵy densaýlyq saqtaý salasynyń, qoǵam densaýlyǵyn saqtaý jumystarynyń jetilgendigin, almatylyqtardyń ómir súrý saltynyń damyǵandyǵyn kórsetedi. Bul Almaty qalasynyń aımaqtaǵy rólin aıqyndaı túsedi. Ońtústik Astanamyz ózge qalalarǵa adam ómirine jaıly qala retinde úlgi bola alady», - dedi qala ákiminiń orynbasary Murat Dáribaev.
Onyń aıtýynsha, Almatynyń ekologııalyq ahýalyn tek qana keshendi túrde sheshýge bolady. Osy maqsatta qala bıligi birqatar batyl reforma jasap keledi.
«Almatyda polıortalyqtyq júıege kóshý kózdelgen. Dat sáýletshisi ıAn Geıldiń jobasy boıynsha adamdarǵa yńǵaıly qala jasalmaq. Qalany abattandyrýdyń biryńǵaı tujyrymdamasy jasaldy. Qalada birneshe kóshede arnaıy velojoldary ashyldy. Almaty Bike jobasy aıasynda 200 velostansada 1 730 velosıped qoıylǵan. Sonymen qatar, qala kólikterin gazǵa kóshirý jumystary da qolǵa alynǵan. 2017 jyly qalada jalpy alǵanda 3 myńnan astam sporttyq buqaralyq shara ótkizilgen», - dedi M.Dáribaev.
