Almaty eriktileri balalar úıiniń tárbıelenýshilerine aǵylshyn tilin úıretpek

ALMATY. QazAqparat - Almatyda Jastar jyly aıasynda «Almaty eriktiler lıgasy» qoǵamdyq qory Ashyq Júrek jobasy aıasynda balalar úıiniń tárbıelenýshilerine aǵylshyn tilin úıretpek, dep habarlaıdy QazAqparat tilshisi.

Joba úılestirýshileri múmkindigi shekteýli, kópbalaly, áleýmettik az qamtylǵan otbasylardy qoldaýǵa baǵytynda qandaı sharalar júzege asyratynyn aıtty.

«8 baǵyttyń biri - múmkindigi shekteýli azamattarǵa kómek kórsetý. Atap aıtqanda, onyń ishinde Daýn sındromy bar balalar kómekke asa muqtaj. Jaqynda biz komandamyzben qaıyrymdylyq aktsııasyn uıymdastyryp, qajetti qarjy jınap bergen bolatynbyz. Endi múgedek jandardyń tizimin jasap, tek qana materıaldyq jaǵynan emes, úı sharýasyna, kúndelikti qajettiligine kómektesetin bolamyz», - dedi lıga koordınatory Ámirjan Qosanov.

Onyń aıtýynsha, eriktiler komandasynyń aýtızm, Daýn sındromy syndy dıagnozy bar adamdarmen jumysta tájirıbesi mol.

«Olardy áleýmettik beıimdeý máselesi de asa mańyzdy. Olar ózderin basqalarmen teń sanaýy kerek. Osy maqsatta birqatar shara uıymdastyrylatyn bolady», - dedi Á.Qosanov.

Aıta ketý kerek, taǵy bir baǵyty kópbalaly, tolyq emes otbasylarǵa kómek kórsetý bolyp tabylady.

«Balalar úıinde kúndelikti merekelik sharalar ótkizetin bolamyz. Qazaq, aǵylshyn tilderinen semınarlar ótkizý, bı úıretý sabaǵyn ótkizý josparlanǵan. Turmysy tómen otbasylarǵa qajetti azyq-túlik taratamyz», - dedi Otbasym baǵytynyń úılestirýshisi Kamılla Shavkatova.

Aıta ketý kerek, qaıyrymdylyq sharasy 8 baǵytta naýryz men qarasha aılary aralyǵynda ótedi.