Almaty: Erbolat Dosaev Almaly aýdanyndaǵy birqatar problemany sheshýdi tapsyrdy
Almaty ákimi jumys saparyn qalalyq revmatologııalyq ortalyqty aralaýdan bastady. Bul revmatologııalyq aýrýlary bar naýqastarǵa arnalǵan eldegi jalǵyz mamandandyrylǵan medıtsınalyq mekeme.
Aýrýhanaǵa jatý kezeginde elimizdiń túkpir-túkpirinen 532 adam tur. Ortalyq ǵımarattyń ózi keńeıtý men jóndeýdi qajet etedi, ol 40-shy jyldary salynǵan.
Erbolat Dosaev jaıly qalalyq orta jáne jer qatynastary basqarmalaryna ǵımaratty kúrdeli jóndeý qajettiligi týraly máselelerdi pysyqtaýdy, sondaı-aq burynǵy ǵımarattyń ornyna jańa korpýs salý boıynsha usynystar engizýdi tapsyrdy.
Túrkebaev kóshesi, 93 №144 mektepte oqýshy oryndarynyń tapshylyǵyn joıý úshin 300 balaǵa arnalǵan korpýstyń qurylysy aıaqtaldy, aǵymdaǵy jyldyń naýryz aıynda Brýsılovskıı kóshesi, 15 №34 gımnazııada 550 oryndy jańa korpýsty iske qosý josparlanýda.
Jaıly qalalyq orta jáne bilim berý basqarmalaryna «Orta jáne mektepke deıingi bilim berý obektilerin renovatsııalaý» baǵdarlamasyn qabyldaý qajettiligi máselesin zerdeleý tapsyryldy.
Sonymen qatar, qala basshysy №2 Oqýshylar úıine bardy. Qańqaly-qamysty qurylys ǵımaraty 1936 jyly salynyp, apatty jaǵdaıda tur.
Búginde úıirmelerge kún saıyn 800-den astam bala qatysady.
Almaty ákimi jaıly qalalyq orta, qalalyq josparlaý jáne ýrbanıstıka, bilim basqarmalaryna qoldanystaǵy ǵımarattyń ornyna jańa ǵımarat salý máselesin qarastyrýdy tapsyrdy.
Aýdandy aralaý barysynda Almaty ákimi Shevchenko - Manas - Jambyl - Baızaqov kósheleriniń sharshysyndaǵy eski úılerdiń turǵyndarymen kezdesti. Erbolat Dosaev úıler men ınjenerlik jelilerdiń jaǵdaıyna tehnıkalyq aýdıt júrgizýdi tapsyrdy.
Jumys saparynyń sońynda esirtki qylmystary men jasóspirimder arasyndaǵy nashaqorlyqtyń aldyn alýǵa baǵyttalǵan «NarkoStop» áleýmettik jobasynyń avtorlarymen jáne eriktilermen tanysty.
Pılottyq joba 2021 jyldyń qazan aıynda Almaly aýdany ákiminiń qoldaýymen jáne Almaty qalasy polıtsııa departamenti men qoǵam belsendileriniń qoldaýymen iske qosyldy.
Qala ákimi qoǵamdyq damý basqarmasyna áleýmettik bastamaǵa qoldaý kórsetip, megapolıstiń basqa aýdandary boıynsha jobany «kóbeıtý» múmkindigin qarastyrýdy tapsyrdy.
Erbolat Dosaev Almaly aýdanynyń ákimi E. Seıtenovtyń jumysyn maquldady jáne áleýmettik ınfraqurylymdy odan ári damytý jáne ózekti máselelerdi sheshý boıynsha jumysty jalǵastyrýdy tapsyrdy.
