Almaty emhanalarynda PTR-testti kimder tegin tapsyra alady
ALMATY. QazAqparat – «Jas Qanat» bastapqy medıtsınalyq-sanıtarlyq kómek ortalyǵynyń» dárigeri Merýert Kóshenova onlaın brıfıng barysynda Almaty emhanalarynda PTR-testti kimderdiń tegin tapsyra alatynyn aıtty, dep habarlaıdy QazAqparat tilshisi.
«Emhanalardaǵy PTR testileý dárigerdiń nusqaýlaryna sáıkes tegin júrgiziledi. Bul júkti áıelder, ıaǵnı aýrýhanaǵa jatar aldynda júktiliktiń 37-39 aptasynda tapsyrady. Sonymen qatar, jiti respıratorlyq vırýstyq ınfektsııa, pnevmonııa jáne koronavırýsqa kúdikti naýqastar tegin test tapsyra alady «, - deıdi Merýert Kóshenova.
Sonymen qatar, ol josparly nemese shuǵyl aýrýhanaǵa jatqyzylǵan adamdar úshin PTR test tegin ekenin atap ótti.
