Almaty – elimiz boıynsha teatry eń kóp qala

ALMATY. QazAqparat – Almaty qalasy elimizdegi teatrlardyń eń kóp shoǵyrlanǵan jeri. Bul týraly Strategııalyq josparlaý jáne reformalar agenttiginiń Ulttyq statıstıka bıýrosy málim etti, dep habarlaıdy QazAqparat tilshisi.

Bıýro málimetinshe, 1932 jyly elimizde tek 2 teatr jumys istegen. 4 jyldan keıin olardyń sany 24-ke jetedi.

«Búgingi tańda Qazaqstannyń 65 teatrynda qoıylymdar sahnalanady. Onyń 10-y – jekemenshik. Teatrlardyń kóp bóligi Almatyda shoǵyrlanǵan, onda 18 teatr jumys isteıdi. Astanada 9 óner úıi bar, al Shymkentte – 6. Teatrlardyń negizgi úlesi – drama teatrlar. Olardyń sany – 36. Qazaqstan boıynsha 4 opera jáne balet teatry bar, mýzykalyq teatrlardyń sany da dál sonsha. Jas kórermender úshin 6 teatr jáne taǵy 9 qýyrshaq teatry bar», - delinedi habarlamada.

Budan bólek, teatrǵa kelýshilerdiń kópshiligi de Almatyda.

«2021 jyly teatrlarda 2 565 qoıylym kórsetildi. Onyń 319-y jańadan sahnalanǵan. Ótken jyly ártisterdiń oıynyn 1 172 718 kórermen tamashalaǵan. Al, kórermenniń basym bóligi Almaty (278,3 myń adam), Astana (211,3 myń adam) jáne Shyǵys Qazaqstan oblysynyń (137,2 myń adam) teatrlarynda boldy», - dep habarlady Ulttyq statıstıka bıýrosy.

Oqı otyryńyz, Qallekı teatrynyń ár jańa maýsymy «Abaı» qoıylymymen ashylady. Bul dástúrge bıyl 13 jyl.