Almaty EQSJKD izdeýinde júrgen Túrkııa azamaty Kıevten Astanaǵa ekstradıtsııalandy
ASTANA. 18 qyrkúıek. QazAqparat -Qazaqstan Respýblıkasynyń Bas prokýratýrasy Ekonomıkalyq qylmysqa jáne sybaılas jemqorlyqqa qarsy kúres agenttigimen birlesip,
Almaty qalasynyń EQSJKD izdeýinde júrgen Túrik Respýblıkasynyń azamaty Bekar Ergýndy Qazaqstan Respýblıkasy Qylmystyq Kodeksiniń 177-babynyń 3-bóliginiń «b» tarmaǵy boıynsha (iri mólsherdegi aqsha qarajatyn alaıaqtyq jolmen urlaý) qylmystyq jaýapkershilikke tartý maqsatynda Kıevten Astanaǵa ekstradıtsııalady.
Bul týraly Bas prokýratýranyń baspasóz qyzmeti habarlady.
Azamat Bekar Ergýn «ABAB Qurylys Álemi» JShS dırektory bola turyp, 2006 jyly Almaty qalasynda 12-qabatty turǵyn-úı qurylysyn júrgizýge «INMEIR» qurylys kompanııasy JShS-men merdigerlik kelisimshart jasasqan. Biraq bir jyl boıyna qurylys jumystaryn júrgizbegen jáne merdigerlik kelisimshart boıynsha mindettemelerin oryndamaǵan. Bekar Ergýn 30 mln. teńge kólemindegi aqshalaı qarajatty urlap alyp, ony óz qajetine paıdalanǵan.
2012 jylǵy 15 qyrkúıekte ekstradıtsııalanǵan Bekar Ergýn Astana qalasynyń áýejaıynda Astana qalasy ýaqytsha ustaý abaqtysynyń qyzmetkerlerine tapsyryldy.
