Almaty ekopostarynda júrgizýshilerge 214 mln teńgeden astam aıyppul salyndy

ALMATY. QazAqparat - Sońǵy 9 aıda Almaty ekopostarynda júrgizýshilerge qatysty 214 mln teńgeden astam somaǵa hattama toltyryldy, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, Almatyda qazir 9 ekopost jumys istep tur.

«Qazirgi ýaqytta 9 ekologııalyq post jumys isteıdi. «Aıan» ekologııalyq posty «Altyn ordadaǵy» jol jóndeý jumystaryna baılanysty jabyq tur. 9 ekologııalyq posty qoıý josparda bar. Aǵymdaǵy jyldyń 9 aıynda 214 793 295 teńge somasyna 14 727 hattama toltyryldy», - dep atap ótti polıtsııada.

Osyǵan deıin Almatyda 19 ekopostyń qoıylatyny jáne olardyń qalaı jumys isteıtini týraly jazǵan bolatynbyz.