Almaty ekonomıkasy kezeń-kezeńmen qalpyna keltirilmek
Qazir qalada PTR tásilimen barlyq qaýip tobyndaǵy adamdardy ekspress testileý bastaldy. Bul topqa 193 myń adam kiredi. Olar áskerı qyzmetshiler, polıtsııa, dárigerler, eriktiler, júk jáne jolaýshylar tasymaly kólikteri, temirjolshylar, qurylysshylar, iri nysanda jumys istep jatqan jumysshylar, ınternattar men azyq-túlik kásiporyndarynyń qyzmetkerleri, turǵyn-úı kommýnaldyq sharýashylyq salasynyń jumysshylary.
Astyrtyn oshaqtardy tabýdyń jańa algorıtmine sáıkes, qalada epıdemııaǵa qarsy sharalar qabyldanyp jatyr.
Ákimniń aıtýynsha, kúsheıtilgen karantın aıasynda qalada kóptegen kásiporyndar men uıymdar jumys istep jatyr. Bul kásiporyndarda 210 myń jumysshy qyzmet etedi.
Al karantın aıasynda 727,8 myń jumys orny qysqarǵany anyqtaldy. Qashyqtan jumys isteýge bilim berý, memlekettik basqarý, aqparat pen baılanys salasynda 200 myń adam shyqqan. Nátıjesinde 300 myń adam tabyssyz qalǵan.
«Qalanyń áleýmettik-ekonomıkalyq ahýalyn kezeń-kezeńimen qalpyna keltirý josparyna sáıkes, ekonomıkalyq belsendilikti jandandyrý úshin úlken áleýeti bar jáne sonymen qatar koronavırýstyq ınfektsııany taratý qaýpi eń tómen sektorlar anyqtaldy. Bul - ónerkásip pen qurylys salalary. Osy salalar qajetti sanıtarlyq-epıdemıologııalyq talaptardy saqtaı otyryp 20 sáýirden bastap iske qosylýy múmkin», - dedi qala ákimi Baqytjan Saǵyntaev.
Ónerkásip salasyndaǵy shekteýlerdi alyp tastaý nátıjesinde 42,2 myń adam óz jumys oryndaryna oralady.
Qurylys maýsymynyń bastalýyna oraı, sondaı-aq «Jumyspen qamtýdyń jol kartasy» jáne jańa jobalardy iske asyrýǵa baǵyttalǵan «Nurly jer» baǵdarlamasy aıasynda 34,5 myń jańa jumys ornyn ashý, ásirese qurylys salasynda, josparda bar. Sonymen qatar, aýqymdy qurylys jumystarynyń bastalýymen jobalaýshylar men izdestirýshilerge, ınjınırıngtik kompanııalar (avtorlyq jáne tehnıkalyq qadaǵalaý), jobalardy saraptaý sııaqty mamandar men qyzmetter kategorııalaryna qajettilik paıda bolady.
Budan ózge qurylys salasynyń úzdiksiz jumys isteýin qamtamasyz etý maqsatynda kóterme qurylys naryǵyn ashý qajet. Osylaısha, osy sala boıynsha jumyspen qamtylǵandardyń sany 45,3 myń adamǵa ulǵaıady.
Sondaı-aq, «BJK-2025» jáne «Qarapaıym zattar ekonomıkasy» baǵdarlamalaryn iske asyrýǵa qatysatyn kásipkerlerdiń kepil múlkin memlekettik tirkeý úshin notarıýstar men HQKO qyzmetin qaıta bastaý josparlanypotyr.
Aldyn ala derekter boıynsha, 20 sáýirden bastap jumyspen qamtylǵandardyń jalpy sany bir aı ishinde 89,4 myń adamǵa kóbeıedi.
Shekteýlerdi kezeń-kezeńmen alyp tastaý qoǵamdyq kólikterdi, sonyń ishinde aıaldamalar men metro aıaldamalaryn, kásiporyndardyń ózderiniń jumys oryndary men halyq kóp jınalatyn oryndardy jappaı zalalsyzdandyrýmen qatar júredi.
