Almaty eki adam oq jaraqatymen aýrýhanaǵa tústi

ALMATY. QazAqparat – Almatyda 39 jastaǵy er adam eki tanysyna travmatıkalyq tapanshadan oq atty, dep habarlaıdy QazAqparat tilshisi.

Almaty qalalyq Polıtsııa departamenti faktini rastady. Medeý aýdandyq polıtsııa basqarmasy tergeýdi bastady.

«Bul fakt QR Qylmystyq kodeksiniń 293-baby 3-bóligi boıynsha Sotqa deıingi tergep-tekserýdiń biryńǵaı tizilimine tirkeldi. Kúdikti – 1983 jyly týǵan Ý. esimdi azamat ustalyp, qamaýǵa alyndy. Belgili bolǵanyndaı, Medeý aýdanyna qarasty shaǵyn aýdandardyń birinde turatyn úsh er adamnyń arasynda janjal týyndaǵan. 39 jastaǵy turǵyn travmatıkalyq tapanshadan 1973 jyly týǵan B. jáne 1973 jyly týǵan G. esimde eki adamǵa oq atty», - dedi Medeý aýdandyq polıtsııa basqarmasynyń bastyǵy Dáýren Ótebaev.

Polıtsııa ókiliniń aıtýynsha, zardap shekkender aýrýhanaǵa jatqyzyldy. Qylmysty tekserý úshin tergeý-jedel toby quryldy.