Almaty-Ekaterınbýrg jolynyń boıynda 50 jolaýshysy bar avtobýs syndy
ASTANA. 23 jeltoqsan. QazAqparat - Qaraǵandy oblysyndaǵy Almaty-Ekaterınbýrg tas jolynyń 545-shaqyrymynda 50 jolaýshysy bar «Setra» avtobýsy synyp qaldy, dep habarlady QR TJM baspasóz qyzmetinen.
Aqtoǵaı aýdanynyń TJB qutqarýshylary «Balqash qalaaralyq tasymal» JShS men jol polıtsııasy qyzmetkerlerimen birlesip Ózbekstannyń 48 azamaty men 2 júrgizýshini Balqash qalasyna jetkizdi. Zardap shekkender joq.
Qostanaı oblysynda Qamysty aýdanynyń TJD qutqarýshylary «Qazaqavtodor» RMK qyzmetkerlerimen birlesip Jaıylma aýylyna jaqyn avtojoldyń boıynda qalǵan eki iri júk kóligin jetkizip saldy. 6 adam, 4 ponı, 4 ıt pen 6 jylqysy bar arnaıy kólikter Denısovka aýylyna jetkizdi.
