Almaty-Ekaterınbýrg jolynda kólik qarsy baǵytqa shyǵyp, úsh adam mert boldy
Oqıǵa Almaty oblysynyń aýmaǵynda bolǵan.
«21 jeltoqsan kúni saǵat 21.00 shamasynda «Toıota-Prado» avtokóliginiń 41 jastaǵy júrgizýshisi «Almaty-Ekaterınbýrg» avtojolymen soltústik baǵytta júrip kele jatyp, 90-shaqyrymda qarsy qozǵalys jolaǵyna shyǵyp, aldynan shyqqan «Toıota Avensıs» avtokóligine soǵylǵan. Jol-kólik oqıǵasy saldarynan eki júrgizýshi de oqıǵa ornynda kóz jumdy»,- delingen Almaty oblystyq polıtsııa departamenti baspasóz qyzmetiniń habarlamasynda.
Vedomstvonyń aqparatyna sáıkes, sondaı-aq 27 jastaǵy jolaýshy Qaskeleń qalalyq aýrýhanasynyń reanımatsııa bólimshesinde eki saǵattan keıin qaıtys bolǵan.
«Atalǵan derek QR QK 345-babynyń 4-bóligi boıynsha tirkeldi. Barlyq qajetti saraptamalar taǵaıyndaldy»,- dep tolyqtyrdy atalǵan vedomstvonyń baspasóz qyzmetinen.