Almaty -Ekaterınbýrg tasjolynda kólik aýdarylyp, 3 adam qaza tapty

ASTANA. QazAqparat – 20 tamyz kúni saǵat 19:45 shamasynda Almaty -Ekakterınbýrg tas jolynyń 770 shaqyrymynda 47 jastaǵy Lexus LX470 júrgizishisi kóliktiń basqarýyna ıe bola almaı qalyp aýdarylyp qaldy, dep habarlaıdy QazAqparat.

Polisia.kz saıtynyń habarlaýynsha, oqıǵanyń saldarynan 46 jastaǵy kóliktiń jolaýshysy oqıǵa orynynda qaza tapty. Al kóliktiń júrgizýshisi jáne 35 jastaǵy jolaýshy jedel járdem kóliginde qaza tapty. Sondaı-aq eki jolaýshy aýrýhanaǵa jetkizildi.

Derek polıtsııada tirkeldi. Tıisti saraptamalar taǵaıyndalyp, tergeý amaldary júrgizilýde.

Polıtsııa kólik júrgizýshilerden jyldamdyqty shekten tys asyrmaı, jol júrgende demalys rejımin saqtap, jol júrý erejelerine qatań baǵynýǵa shaqyrady.