Almaty - Ekaterınbýrg kúre jolynda 51 adam evakýatsııalandy
QARAǴANDY. QazAqparat - Qaraǵandy oblysynda, Almaty - Ekaterınbýrg kúre jolynyń 523-shi shaqyrymynda Astana - Shymkent baǵyty boıynsha kele jatqan 51 jolaýshysy bar avtobýs buzyldy, dep habarlaıdy QazAqparat QR ІІM Tótenshe jaǵdaılar komıtetiniń Apattar medıtsınasy ortalyǵyna silteme jasap.
Bul jaǵdaı týraly habar «Saryshaǵan» trassalyq medıtsınalyq-qutqarý beketiniń dıspetcherine 2 qarasha kúni kelip túsken.
Jolaýshylardy evakýatsııalaý jáne medıtsınalyq kómek kórsetý úshin oqıǵa ornyna «Saryshaǵan» TMQB-niń dáriger, feldsher, qutqarýshy jáne júrgizýshiden quralǵan shuǵyl áreket etý brıgadasy jiberilgen.
Barlyq jolaýshylar tekserýden ótkizilip, olardan salqyn tııý belgileri, tumaý belgileri, dene qyzýynyń kóterilýi sııaqty belgiler tabylǵan joq. ıAǵnı, eshkimge shuǵyl medıtsınalyq kómek kórsetýdiń qajeti bolmaǵan.
TMQB brıgadasy 17 jolaýshyny «Aıan» dámhanasyna jetkizgen. Qalǵan 34 jolaýshyny Qaraǵandy oblysy boıynsha JPQ qyzmetkerleri evakýatsııalady.
