«Almaty - Ekaterınbýrg» avtojolynda 3 adam qaza boldy
KÓKShETAÝ. QazAqparat - Aqmola oblysynyń Astarahan aýdany aýmaǵynda jol apatynan 3 adam ajal qushty, dep habarlaıdy QazAqparat tilshisi ІІD baspasóz qyzmetine silteme jasap.
Jol apaty 27 mamyr kúni saǵat 10:40 shamasynda «Almaty - Ekaterınbýrg» tasjolynyń 15-shaqyrymynda Kolýton aýlynyń mańynda boldy.
«Sol kúni jaýǵan qar aralas jańbyrdyń saldarynan «Volkswagen Transporter» avtokóliginiń júrgizýshisi rýlge ıe bola almaı Almaty oblysynyń Saryózek aýylynyń turǵyny basqarǵan «DAF» júk kóligine soǵylǵan. Jol apatynan «Volkswagen Transporter» kóliginiń júrgizýshisi men 2 jolaýshy oqıǵa ornynda kóz jumdy», - dep kórsetilgen habarlamada.
Qazirgi kezde, osy oqıǵaǵa baılanysty saraptama taǵaıyndalyp, QR QK-niń 345-baby 3-bóligi boıynsha is qozǵaldy.
Aıta keteıik, 27 mamyr kúni Býrabaı aýdany aýmaǵynda taǵy bir jol apaty oryn alǵan edi. «Astana-Kókshetaý» tasjolynyń boıynda «Hyundai Grand Starex» mınıven kóligi bos turǵan kóliktik baqylaý beketiniń ǵımaratyna soǵyldy. Onda da 3 adam oqıǵa ornynda kóz jumyp, 4 adam zardap shekken edi.
